استاذنا الفاضل هذه هي الحياة حقا لقد صدق المولي حين قال (خلق الانسان في كبد) من ساعة مولده لابد وان يصرخ لتنشيط رئتيه حتي موته يشهق لخروج روحه ولكن لقد قال ربنا مع كل ذلك (ان مع اليسر يسرا ان مع اليسر يسرا) و التكرار للتؤكيد والله المعين
تصحيح الايه (ان مع العسر يسرا ان مع العسر يسرا) اسف لقد التبست الكتابة علي وكسلت أعيدها أنت عارف انا مقضيها موبيلات مفيش كمبيوتر اصل ثانوية عامة دعواتك
السلام عليكم أيه يامحمد فى أيه يستاهل لكل ده حرام عليك نفسك بجد حرام ليه تبعد وتحط نفسك فى موقف زى ده أنا ماك إن الانسان منا ساعات بيحس إنه محتاج يكون لوحد وأنا أول وحده عملت كده بس بجد ماأرتحتش ورجعت تانى على طووووووووول هون على نفسك أخى افاضل وربنا كريم وبيلطف بعباده خلى ايمانك بالله قووى وإن شاء الله ربنا هيفتح ليك كل الطرق المسدوده اللهم أمين ربنا يزيح عنك وترجع لينا كده زى زمان متألق دايمآ يامحمد على فكره أخوك أموووووور قووى وأحيك على مشهد الفيديو التصوير روعه وبيتكلم فعلآ عن الحاله اللى انت فيها تحياتى لك ومنتظرينك معانا على طووول إيناس
حلو الفديو جدا بيعبر عن المدونة حقيقى بجد أبدع فعلا من أتته تلك الفكرة بجد جميييييييييييل جدا وكلامك بينم عن الاحباط ليه كده بس خليك متفائل وخلى أملك فى الله كبير وربنا هو المعين
السلام عليكم يااستاذ محمد الف حمد لله على السلامة ماشاء الله على اخو حضرتك بيعرف يمثل والله وتعبيرات وشه معبرة جدا بس الحارة مش دايما سد ممكن تفضل سد شوية وبعدين احنا بايدينا نفتح فتحة لو صغيرة على العالم الخارجى وبعدين كل شوية تكبر وتكبر الفكرة عجبتنى اوى بس اتمنى حضرتك تكون اكثر تفاؤل من كده ربنا يسعد ايامك كلها
ان كانت الحارة سد فنحن من صنعنا تلك السدود ولكن حينما صنعناها جعلنا لانفسنا دوا مخرج ليكون منه الهروب فابحث عن مخرجك من تلك الازمة وصدقنى ستجده بالقرب منك فالحارة ليست بالمكان الكبير
نورت مدونتك من جديد والفيديو فكرته حلوة والاحلى اخوك ^_^
السلام عليكم أستاذ محمد أكيد الواحد بتمر بيه أوقات بيكون مخنوق مدايق بس لازم يكون أمله في ربنا كبير وطول مابنقول يارب اكيد في امل وفي خير واي ديق بيكفر من ذنوبنا لو صبرنا واستحملنا ربنا يفرحك ويبعد عنك كل حاجه تدايقك اما عن الفيديو فبجد تحففففففففه بجد اخوك ابدع في تمثيله ماشاء الله عليه عسل والتصوير جميل جدا وطريقة العرض بردو فيديو مميز وبجد وصني الاحساس دا والف حمد لله ع سلامتك تقبل مروري دمت بود تحيـــ بسومةـــاتي(:
ايه ده بس يا محمد اولا الكليب حلو اوووي واخوك ماشاء الله ربنا يحرصه بس حسيت اد ايه انا مخنوقه وانا بشوفه لما الدنيا بتقفل في وش الواحد بالشكل ده يبقي صعب جداا هون علي نفسك وادينا في وسط بعض بنأخد بأيد بعض متبعدش وحاول تطلع من الحالة ديه ربنا معاك ويفرج همك وكربك يا اخي سلام
بسم الله اولا الفيديو تحفة.. بس ليه التشاؤم.. يا ريت بلاش تسيب نفسك للإحساس ده حتى لو كنت حاسس إنه شعور لذيذ.. أحيانا بستلذ بالعذاب و الألم و نتمادى في هذا الشعور.. قليلا من التفاؤل لا يضر .. بس الحزن ده بيطلع من روح الفنان حاجات زى الفل.. ده أكيد..
حقيقي اعلان رائع واخوك زي القمر ربنا يخليه ليك بس ماشاء الله تبارك الله ازاي قدرتوا تصوروا التصوير الجامد ده حقيقي رائع ويدل على انها حارة سد بجد بس ليه كده الحياة مش مستاهله هونها تهون ربنا يعينك
عندما رايت الفديو...شعرت كاني روح تجري من سجنها ولكنها صدمت عندما لقت ان هذا السجن جداره نفسها...هل ممكن للروح ان تسايس نفسها حتي تفتح لها السدود؟هل ممكن للروح ان تحاول التحدث مع نفسها الحزين؟هل ممكن لها ان تحاول ان تسالها وتوجها صرحتا؟اعتقد ان اذا كانت النفس واضحه وصريحه مع روحها ممهما كان سبب الحزن ومهما كان قدره و كبره لاستطاعت الروح ان تخرج من هذا السجن...سجن النفس...تحياتي لك ولقلمك ولتصويرك الرائع...فانت حقا موهوب...تحياتي لاخوك لنه فعلا موهوب هو الاخر
بصراحه الكليب معبر جدا لاقصى حد ممكن افضل من مليون وصف بالكلام الحالة اللى عندك غالبا مسيطرة على جميعنا وربنا يستر وما طولش علينا كلنا بتمنى زوالها واتمنى لك السعادة والحارة يجليها بصيص الامل وتتفتح بإذن الله
ياالله (: تعرف اني اتفرجت على الفيديو مرتين أو تلاته في وقت كنت حاسة اني عايشة نفس الحالة يمكن ساعتها ماعلقتش عشان ما أزيدش الحارة انسدادا ... دلوقتي بعلق .. رغم ان كل الحارات مسدودة .. ياترى توافقني الرأي .. بعد فترة من الاحباط .. مش بتعتاد الحالة .. مش بتعتاد الاحساس ده ... ورؤية الحوائط السد دون محاولة العبور منها (: ... على الهامش رغم ان هو أساس التعليق .. أخوك رائع ماشاء الله والمصور عبقري (: تحيــــاتي
Name: حارة سد Home: alex, Egypt About Me: كثيرة هي الطرق التي تتفرع منها الأزقة والحواري ..
ولكن عندما تكثر تلك الحواري ..
نبدأ بالبحث عن حارة ندلف منها إلى ساحة الأمل ..
غير أن الطريق ينتهي بنا إلى .. حارة سد
..
محمد شاكر See my complete profile
السلام عليكم
عامة حمدلله على سلامتك بجد نورت مدونتك
أولآ أشكرك على سؤالك عنى
ربنا يكرمك يارب
هروح أشوف الفيديو وأرجع تانى
سلالالالالالالالالالالالام